നല്ലവനായ ശമരിയക്കാരന്‍

ഇന്നലെ ന്യൂ യോര്‍ക്കിലെ  ഹഡ്സണ്‍ നദീ തീരത്തുള്ള board walk ഇല്‍ ഒരു രണ്ടു വയസ്സുകാരി 20 അടി താഴ്ചയുള്ള വെള്ളത്തിലേക്ക്‌ കാല് തെറ്റി വീണു. കുട്ടിയുടെ സ്വന്തം അച്ചന്‍ ഉടന്‍ വെള്ളത്തിലേക്ക്‌ എടുത്തു ചാടി. അയാളോടൊപ്പം എവിടെ നിന്നോ വന്ന ഒരു ഫ്രഞ്ച് വിനോദ സഞ്ചാരിയും. കുട്ടിയെ വെള്ളത്തില്‍ നിന്ന് കരക്കെത്തിച്ച ശേഷം ആരോടും ഒന്നും പറയാതെ, താന്‍ ആരാണെന്നോ ഒന്നും ആരോടും പറയാതെ ഒരു ന്യൂ യോര്‍ക്ക്‌ കാബില്‍ (ടാക്സി) കയറി എങ്ങോട്ടോ പോയി. പത്രങ്ങളായ പത്രങ്ങളും ആളുകളും ഈ നല്ലവനായ ശമാരിയക്കാരന്‍ ആരാണെന്നു തിരയുമ്പോളും അയാള്‍ തന്റെ സ്വകാര്യതയില്‍ മറഞ്ഞിരിക്കുകയാണ്. ടെലിവിഷനിലൂടെയുള്ള 5 മിനിറ്റ് പ്രശസ്തിക്ക് വേണ്ടി  ഇന്ന് മനുഷ്യര്‍ കാട്ടി കൂട്ടുന്ന പേക്കൂത്തുകള്‍ ഇതിനോടൊപ്പം ചേര്‍ത്ത് വായിക്കുമ്പോള്‍ നന്മ മനുഷ്യനില്‍ നിന്ന് മുഴുവനായും കളഞ്ഞു പോയില്ല എന്ന് ആശ്വസിക്കാം നമുക്ക്. 

Statue of Liberty

ഇക്കഴിഞ്ഞ ആഴ്ച ന്യൂ യോര്‍ക്ക്‌ - ന്യൂ ജേഴ്സി തീരത്ത് സ്ഥിതി ചെയ്യുന്ന ലോക പ്രസിദ്ധമായ "Statue of Liberty" സന്ദര്‍ശിച്ചു. ന്യൂ യോര്‍ക്കില്‍ നിന്നും അടുത്ത മാസം താമസം മാറും എന്നതിനാല്‍ spring ആവാന്‍ കാത്തു നില്‍ക്കാതെ തണുപ്പും മഴയും ഒഴിഞ്ഞ ആദ്യത്തെ വാരാന്ദ്യത്തില്‍ തന്നെ അങ്ങോട്ട്‌ വച്ച് പിടിച്ചു. ചില തിരഞ്ഞെടുത്ത ചിത്രങ്ങള്‍...



ലിബര്‍ട്ടി സ്റ്റേറ്റ് പാര്‍ക്കിലേക്കുള്ള ബോട്ട് യാത്രക്കിടയില്‍ എടുത്ത ചിത്രം. പുറകില്‍ കാണുന്നത് "Lower Manhattan" എന്നറിയപ്പെടുന്ന പ്രദേശം. വേള്‍ഡ് ട്രേഡ് സെന്റെര്‍ നിലന്നിന്നിരുന്നത് അവിടെയാണ്.


ലിബര്‍ട്ടി സ്റ്റേറ്റ് പാര്‍ക്കിലെ എല്ലിസ് ദ്വീപില്‍ (Ellis Island) തന്നെ സ്ഥിതി ചെയ്യുന്ന ഇമ്മിഗ്രറേന്‍ മ്യൂസിയം (Immigration Museum).


ന്യൂ യോര്‍ക്ക്‌ ഹഡ്സണ്‍ നദിയിലെ വാട്ടര്‍ ടാക്സി (Water taxi)


Statue of Liberty


തൊട്ടു താഴെ നിന്നുള്ള കാഴ്ച

USS ന്യൂ യോര്‍ക്ക്‌

സെപ്റ്റംബര്‍ 11 ലെ ഭീകരക്രമണത്തില്‍ തകര്‍ന്ന വേള്‍ഡ് ട്രേഡ് സെന്റെറിലെ സ്റ്റീല്‍ ഉപയോഗപ്പെടുത്തി നിര്‍മിച്ച USS New York ന്യൂ യോര്‍ക്കില്‍ എത്തിയപ്പോള്‍.

നവംബര്‍ 7 നു ഈ ചെറു കപ്പല്‍ കമ്മീഷന്‍ ചെയ്യും. ഇപ്പോള്‍ ഇത് ന്യൂ യോര്‍ക്കിലെ ഹഡ്സണ്‍ നദിയിലെ 88th Pier ഇല്‍ പൊതു ജനങ്ങള്‍ക്ക്‌ സന്ദര്‍ശിക്കാന്‍ വേണ്ടി നങ്കൂരമിട്ടിരിക്കുന്നു.

അമേരിക്കന്‍ സമരം

ന്യൂ യോര്‍ക്ക്‌ നഗരത്തില്‍ ഇന്ന് കണ്ട ഒരു കാഴ്ച... ഇത് വല്ലതും നമ്മുടെ നാട്ടിലായിരുന്നെങ്കില്‍ പ്രകടനവും കല്ലേറും കൊണ്ട് മനുഷ്യന് വഴി നടക്കാന്‍ പറ്റില്ലല്ലോ! ന്യൂ യോര്‍ക്ക്‌ നഗരത്തിലെ ടൈംസ്‌ സ്ക്വയരിനടുത്തു വളരെ പ്രധാനപ്പെട്ട ഒരു റോഡില്‍ ആണ് ഈ സമര പരിപാടി നടന്നത്. ആ റോഡിലെ ഗതാഗത സൌകര്യത്തിനോ അവിടെ ഉള്ള കച്ചവട സ്ഥാപനങ്ങള്‍ക്കോ എന്തിനധികം വഴി യാത്രക്കാര്‍ക്ക് പോലും ഒരു ഉപദ്രവും ഉണ്ടാക്കാതെയാണ് ഈ പരിപാടി ഇവിടെ നടന്നത്. മനുഷ്യന്റെ കാതു പൊട്ടുന്ന ഉച്ചത്തിലുള്ള മൈക്കും ഇല്ല!




ന്യൂ യോര്‍ക്കിലെ ഫാഷന്‍ സെന്റര്‍ എന്ന സ്ഥാപനത്തിന് മുന്നില്‍ ആണിത് നടന്നത്. ഒരു വലിയ ബട്ടണും അതിനുള്ളിലൂടെ പോകുന്ന ഒരു സൂചിയുടെയും വലിയ പ്രതിമ താഴെ കാണുന്ന ചിത്രത്തില്‍ കാണാം.

എക്സ്പ്രസ്സ്‌ ഹൈവേ

ചിക്കാഗോയിലെ ലോക പ്രസിദ്ധമായ സീയേര്‍സ്‌ ടവറിന്റെ മുകളില്‍ നിന്നെടുത്ത ചിത്രം. ഹൈവേ ഇന്റര്‍ചേഞ്ച്‌ (highway interchange) എന്നാണ് ഇതിവിടെ അറിയപ്പെടുന്നത്. ഇന്റര്‍ ചേഞ്ച്‌കളുടെ കൂട്ടത്തില്‍ ഒരു ചെറിയ ഒന്നാണ് ഇത്. ഇതിന്റെ ഏറ്റവും വലിയ രൂപം cloverleaf interchange എന്നറിയപ്പെടുന്നു.
ആകാശം മേഘാവൃതമായ ദിവസമായതിനാലും ക്യാമറയുടെ ഫുള്‍ സൂം ഉപയോഗിച്ചതിനാലും ചിത്രത്തിന് തെളിച്ച കുറവുണ്ട്. എന്നിരുന്നാലും ഒരു അപൂര്‍വ ചിത്രം ആണെന്ന് തോന്നുന്നു.

രാജസ്ഥാന്‍ കാഴ്ചകള്‍ - 3

ജയ്പൂരിലെ ആംബര്‍ കോട്ട (Amber Fort): ആംബര്‍ എന്ന സ്ഥലത്താണ് ഈ കോട്ട സ്ഥിതി ചെയ്യുന്നത്. രാജാ മാന്‍ സിംഗ് എന്ന രജപുത്ര രാജാവിന്റെ കാലത്താണ് ഈ കോട്ട പണി കഴിപ്പിച്ചത്.ഹിന്ദു- മുഗള്‍ architecture രീതികളുടെ സങ്കലനമാണ് ഈ കോട്ട. ജയ്ഘര്‍ കോട്ടയുമായി തുരങ്കങ്ങള്‍ കൊണ്ട് ഈ കോട്ട ബന്ധിപ്പിച്ചിട്ടുണ്ട്.

ജോധാ അക്ബര്‍ എന്ന സിനിമ കണ്ടവര്‍ക്ക് ഈ കോട്ട ഓര്‍മ വരാന്‍ സാധ്യത ഉണ്ട്.

(മകുടിയൂതുന്ന ഒരു പാമ്പാട്ടിയെയും പാമ്പിനെയും ചിത്രത്തില്‍ കാണാം.)


അകത്തളത്തെ ഉദ്യാനം... കുറെ ആനകളെയും കാണാം ഈ ചിത്രത്തില്‍.




കോട്ടക്കകത്തെ കാഴ്ചകള്‍

രാജസ്ഥാന്‍ കാഴ്ചകള്‍ - 2

ഹവാ മഹല്‍ (Palace of Winds)
ജയ്പൂരില്‍ സ്ഥിതി ചെയ്യുന്ന ഈ കെട്ടിടം കൊട്ടാരത്തിലെ സ്ത്രീകള്‍ക്ക് ജനങ്ങളുടെ ദൈന്യം-ദിന ജീവിതം സ്വസ്ഥമായും സൗകര്യമായും വീക്ഷിക്കാന്‍ വേണ്ടി നിര്‍മിച്ചതാണ്. ഈ കെട്ടിടത്തിനു മുന്‍വശത്തെ വഴിയിലേക്കു തുറക്കുന്ന 953 ചെറിയ ജനലുകലുണ്ട്. ഇത് കൊണ്ട് തന്നെ നല്ലവണ്ണം കാറ്റു ഈ കെട്ടിടത്തിനു ലഭിക്കുന്നുടെന്നു വ്യക്തമാണ്. അതിനാല്‍ ഈ കൊട്ടാരത്തെ ഹവാ മഹല്‍ (കാറ്റത്തെ കൊട്ടാരം) എന്ന് വിളിക്കുന്നു.